Raulandsakademiet er eit senter for handverk, folkemusikk og tradisjonsmat. Rauland Friundervisning tilbyr kvart år ca 70 kurs innan kunst, husflid, handverk og tradisjonsmat. Raulandsakademiet er og ein feriestad open for grupper og enkeltpersonar heile året. Vi kan tilby overnatting og mat for 90 gjester. Kjøkenet serverar vanleg norsk mat. Høgskolen i Telemark, har eit institutt på Raulandsakademiet, og tilbyr høgare utdanning i folkemusikk, tradisjonsmat og folkekunst. På folkekunststudeiet kan du velge om du vil arbeide med tre, tekstil eller sølv. Telemarkstunet på Raulandsakademiet er ei samling lafta hus bygd opp i tradisjonell stil. På Låven på Telemarkstunet finn du eit handverkutsalg der 70 lokale handverkarar stiller ut varene sine for salg. I Eldhuset blir det bakt brød og kaker i vedfyrt steinomn. Om sommaren finn ein handverkarar med eigne verkstadutsalg i ein del av husa. Raulandsakademiet var tidlegare ein folkehøgskule. Vi har møterom for store og små grupper. Vi har ein stor sal, Vinjesalen, som egnar seg for fritidsaktivitetar, dans og og større arrangemang. Vinjesalen har god akustikk og er fin til konsertar eller storband, korps og kor som treng øvingslokale. Rauland ligg ved foten av Hardangervidda og er eit godt utgangspunkt for fjellturar sommar som vinter. Om sommaren kan du gå fjellturar, fiske, padle, ri eller bade på ei av sandstrendene ved Totak. Om vinteren kan du velge mellom to skisenter med nedfartar som passar for dei modige og dei litt meir forsiktige. I tillegg ein kjelkebakke med fleire nedfartar. Rauland har 160 km oppkjøyrde skiløyper i variert terreng. Velkommen til Raulandsakademiet.
